ARMINTZ GORROTXATEGI G orrotxategi, Gipuzkoan, txokolatearen sinonimoa da. Armintz Tolosako txokolategile maisuen etxeko laugarren belaunaldia da. Etxe horretan, bikaintasuna eta zapore ona uztarturik doaz. Basque Culinary Centerren ikasi ondoren, aitak zuzentzen duen familia enpresako kide da, eta Espainian Txokolatea Sustatzeko Bean to Bar Elkarteko lehendakariordea. 2022an Gastronomiako 100 Talentu Gazteen aitortzetako bat jaso zuen, eta arrakastaren sekretua zein den azaldu du: “Ikastea, estudiatzea eta gogoa jartzea, lanbide honetan gogotik egin behar baita lan”. Txokolategile familia bateko laugarren belaunaldia zara. Nola eraldatzen du horrek elikaduraren etorkizuna? Ehun urtetik gorako historia da jada, eta gu, eraldatzen baino gehiago, jatorrira itzultzen saiatzen gara. Gaur, industria handia digitalizatzen ari den honetan, erabateko artisau lana egiten dugu guk, kalitatezko produktuekin eta, batez ere, maitasun handiarekin. Nola egiten da kalitatezko txokolatea? Lehen, kakao babak oso tenperatura altuetan txigortzen ziren, eta horrekin usain onak zein txarrak ezabatzen ziren. Guk tenperatura baxuan txigortzen dugu, eta ñabardura guztiei eusten diegu. “Bean to Bar” esaten diogu. Horrek esan nahi du txokolatea artisau erara landu dela, babatik tabletara, eta horri esker, haren kalitatea eta zapore autentikoa bermaturik dagoela. Aita bizitza osoan aritu da txokolategintzan eta gozogintzan. Beso azpian txokolate bat zenuela jaio zinen? Ez, bat baino gehiagorekin esango nizuke. Aitak lan asko egin du beti. Luxu bat da nagusi eta aitatzat izatea. Erraza da 29 urterekin iritsi eta moldeak apurtzen hastea 100 urteko historiaren ondoren? Ez, familian tradizio bat dagoelako. Gaur egun, ikasitako guztiari eta aplikatzen saiatu garen guztiari beste buelta bat ematen ahalegintzen gara. Horrela laburtu dezakegu azken sei urteotako lana. Postreek gozoak bakarrik izateari utzi diote? Gaur egun, txokolateek yuzu, Ibarrako piperra, etab. eramaten dute. Txokolateak jarraitzen du txokolate zaporea izaten, baina min ukitu hori ematen diegu batzuei, edo yuzu ukitu azido hori, baina postreek jarraitzen dute gozoak izaten. Txokolatea izan daiteke elikadura orekatu baten parte? Zenbat eta kakao portzentaje handiagoa izan, azukre gutxiago izango du eta osasuntsuagoa izango da. Neurrian kontsumitzen jakin behar da. Baina puskatxo bat beti dator ondo. Zure ustez, kakaoaren kultura falta zaigu? Jendeak ez du ezagutzen euskaldunen eta txokolatearen historia. 1750ean, Euskadi zen munduan txokolate gehien ekoizten eta kontsumitzen zen lekua. Irakurri elkarrizketa osoa hemen: PREGUNTAS ¡PARA DERRETIRSE! Lehiaketa batean epaile zarenean, txokolate tableta bat bezain gogorra zara edo mousse bat baino bigunagoa? Gogorra izaten saiatzen naiz. Zer zara, ‘Pakito txokolatero’ zalea edo ‘Bate que bate el chocolate’ abestiaren zaleagoa? Panpanpan parapan… ‘Pakito txokolatero’, noski. Hatzak miazkatzeko kakao mota bat? Perukoa.